Այնուհետև Ատխարը հզոր պայթյուն է լսել. այդ մասին գրել են նաև Twitter - ի այլ օգտվողներ: Առաջին ուղղաթիռից հետո, որը, ըստ բլոգերի դիտարկումների, ընկել էր, հայտնվեցին ևս երկուսը: Ատխարը նշել է, որ իր “հսկայական ճանճասպանն” աշխատեlլ է և ասել է, որ ավելի լավ է “պահի այն”, քանի դեռ ուղղաթիռների երկրորդ խումբը վրեժ չի լուծել առաջինի անկման համար: Մի քանի ժամ անց պարզվեց, որ Աբբոտտաբադի վրայով թռչող ուղղաթիռները ոչ Պակիստանի օդային ուժերին էին պատկանում, ոչ “Տալիբան” շարժմանը, իսկ Պակսիտանի իշխանությունները հերքեցին ահաբեկչական գործողության վարկածը: Դրա հետ կապված Ատխարն իրավիճակը “խճճված” է անվանել, և բացի այդ նա ներողություն է խնդրել “ճանճասպանի” վերաբերյալ իր tweet - ների համար առաջին ինքնաթիռի օդաչուից, ով ԶԼՄ-ների հաղորդմամբ զոհվել է: Միևնույն ժամանակ լուրեր տարածվեցին, որ հնարավոր է, որ պայթեցվածը ոչ թե ուղղաթիռ է եղել, այլ անօդաչու ինքնավար թռչող ռոբոտ:
Առավոտյան գիշերվա պայթյունի տարածքը շրջապատված էր զինվորակններով, իսկ բոլգերները կասկածել էին, որ Աբբոտտաբադի միջադեպը կարող է կապված լինել առավոտյան ժամը 10:30 հայտարարված ԱՄՆ նախագահ Բարաք Օբամայի արտակարգ ուղերցի հետ: Երբ պաշտոնապես հայտարարվեց բեն Լադենի լիկվիդացման մասին, Սոհաիբ Ատխարը գրեց.”Ախ, պարզվում է ես առանց իմանալու հեռարձակել եմ Ուսամայի վերացման օպերացիան”: Բացի այդ նա նշել է նաև ԶԼՄ - ների կողմից բազմաթիվ դիմումների մասին:
Ալ-Կաիդա ահաբեկչական կազմակերպության առաջնորդը 2011 թվականի մայիսի 2 - ին (ամերիկյան ժամանակով մայիսի 1 - ի գիշերը) սպանվել է ամերիկյան զորքերի հատուկ գործողության արդյունքում: Այդ մասին պաշտոնապես հայտարարել է նախագահ Օբաման ժողովրդին ուղղված իր կիրակնօրյա ուղերցում: Բեն Լադենը զոհվել է փոխհրաձգության արդյունքում, նրա` “համար մեկ ահաբեկչի” հետ միասին սպանվել է նաև իր ավագ որդիներից մեկը: Հատուկ նշանակության ջոկատը գրոհել է բեն Լադենի նստավայրի վրա օդային զորքերի աջակցությամբ, ինչն էլ գրավել է քաղաքի բնակիչներ ուշադրությունը:
