Նորությունը գրելու պահի դրությամբ այն հասանելի էր սոցիալական ցանցի անդեմների գրեթե կեսին: Օգտվողները կկարողանան ընկերների հետ տեսանյութեր կիսել "Класс!" կոճակի օգնությամբ: Այսպիսով, օգտվողների կարծիքների հիման վրա էլ կկազմվի ամենահայտնի տեսանյութերի ռեյթինգը:
Ծառայությունն անվճար է լինելու, իսկ “Տեսանյութերի” եկամուտն ապահովվելու է գովազդային տեսանյութերի վաճառքի հաշվին: “Տեսանյութեր” բաժնում գովազդային տեսահոլովակներ տեղադրելու և վաճառելու բացառիկ իրավունքը պատկանում է RuTube - ին: RuTube - ը և "Одноклассники" - ին բացառիկ պայմանագիր են կնքել մեկ տարով` երկարացման հնարավորությամբ: Գովազդի վաճառքից ստացված հասույթը կիսվելու է սոցիալական ցանցի և վիդեոհոսթինգի միջև, սակայն նրանց մասնաբաժինների չափը չի նշվում:
RuTube - ի գործադիր տնօրեն Միխայիլ Իլյիչևի կարծիքով` "Одноклассники" - ի օգտվողները ծառայությանը ամսեկան 120-130 միլիոն դիտում կավելացնեն: Այժմ վիդեոհոսթինգում դիտումների թիվը ամսեկան 150 միլիոն է: RuTube - ի տվյալների համաձայն` նախորդ տարի ընկերությունները Рунет - ում գովազդային տեսանյութերի վրա մոտ 531 միլիոն ռուբլի են ծախսել: Շուկայում RuTube - ի մասնաբաժինը 30% - ի է հասնում:
Անցյալ տարի "Одноклассники" սոցիալական ցանցը գովազի շնորհիվ 662 միլիոն ռուբլի է վաստակել: Ռուսական շուկայում այս ցանցի հիմնական մրցակիցը` "ВКонтакте" - ն կարողացել է վաճառքից 1.36 միլիարդ ռուբլի ստանալ: Ընդ որում` "ВКонтакте" - ի օգտվողների կողմից բեռնվող տեսանյութերը նույնպես հասանելի են անվճար, սակայն գովազդ նրանցում չի վաճառվում: