Warner Bros. ընկերությունը երեքշաբթի օրը` մարտի 8 - ին, գործի դրեց ֆիլմերի օնլայն դիտման ծառայություն Facebook սոցիալական ցանցում: Այդ մասին հաղորդվում է ընկերության մամլո ասուլիսում:
Ընտրված ֆիլմի դիտումը կարժենա 3 դոլար կամ
30 վիրտուալ “կրեդիտ”, որը կայքում օգտագործվում է որպես օնլայն - փոխարժեք: Ձեռք բերված ֆիլմն օգտագործողի համար հասանելի է երկու օրվա ընթացքում: Սկզբնական շրջանում ծառայությունը գործառելու է միայն ԱՄՆ բնակիչների համար, սակայն Warner Bros. - ը պլանավորում է ժամանակի ընթացքում ծառայությունը հասանելի դարձնել նաև այլ երկրների բնակիչների համար: Մամլո ասուլիսում նշվում է, որ սա առաջին ծառայությունն է, որը թույլ է տալիս Facebook -ով ֆիլմեր դիտել:
Warner Bros. - ի օնլյան - վարձակալման բացումն արվեց Քրիստոֆեր Նոլանի “The Dark Night” ֆիլմով, որը 2008 թվականից ամբողջ աշխարհի վարձույթով հավաքել է ավելի քան մեկ միլիարդ դոլար:
Նախագծին մոտ աղբյուրի` Reuters - ի տվյալների համաձայն` կինոընկերության և սոցիալական ցանցի համագործակցության գաղափարն ամբողջությամբ Warner Bros. - ին է պատկանում: Նրա խոսքերով` կինոընկերությունում պարզապես Facebook - ի տեխնիկական սանդարտներին համապատասխանող ծրագիր մշակեցին և տեղադրեցին այն իրենց ֆիլմերի էջերում:
Ինքը` Facebook - ը տվյալ դեպքում յուրաքանչյուր ֆիլմի դիտման գործարքից ստանալու է իր ստանդարտ 30 տոկոսը:
