Մեկ տարի առաջ Facebook - ում հայտնվեց "Like" ("Հավանում եմ") կոճակը, որը նույնպես հնարավորություն է տալիս օգտվողներին մատնացույց անել համացանցում իրենց դուր եկած էջը` առանց իրենց Facebook - ի էջ մտնելու: Այս կերպ տրված հղումն ավտոմատ կերպով հասանելի է դառնում օգտվողի բոլոր ընկերներին, մինչդեռ "Send" - ի օգնությամբ տեղեկատվութունը կարելի է ընտրովի փոխանակել:
Ի հավելումն "Send" կոճակի` գործի են դրվում նաև սոցիալական ցանցում ստեղծված խմբերին վերաբերող մի շարք թարմացումներ: Դրանցից մեկն ինտեգրացիան է նախորդ ամիս գործի դրված “Հարցեր” ֆունկցիայի հետ: Այժմ օգտվողը հնարավորություն կստանա ընդհանուր էջի վրա հանել խմբի ներսում պահվող հարցերը:
Բացի այդ խմբի նոր անդամներին այսուհետ հաստատել կարող է միայն նրա ադմինիստրատորը: Առաջ խմբի մեջ մտնող բոլոր օգտվողները կարող էին խումբ հրավիրել նոր անդամների, ովքեր ավտոմատ կերպով դառնում էին նրա անդամ: Facebook - ի ղեկավար կազմի խոսքերով` ներկայիս դրությամբ սոցիալական ցանցում 50 միլիոն խումբ է գրանցված, և նրանց մեծ մասն ակտիվ է:
