"Կենդանի մատյանը" վերականգնել է աշխատանքը

05.04.2011 12:16

LiveJournal բլոգհոսթինգը կրկին աշխատում է սովորական ռեժիմով: Ապրիլի 4 - ին, ինչպես հայտնում էր SUP ընկերության մամլո ծառայությունը, հոսթինգը դադարել է աշխատել DDoS - հարձակման պատճառով: Կիբերհարձակումը սկսվել է 14:00 և շարունակվել առնվազն մինչև 20:30:

LiveJournal Russia - ի

ղեկավար Սվետլանա Իվաննիկովան հաստատեց, որ տեխնիկական խափանման պատճառը հաքերների հարձակումն է եղել: Սակայն այն մասին, թե LJ - ի կոնկրետ որ օգտվողներն են հանդիսացել DDoS-հարձակման թիրախը, ինչպես նաև այն մասին, թե ով է եղել հարձակման ենթադրյալ իրականացնողը, տեղեկություններ չկան:

Ապրիլի 5 - ին ժամը 02:00 - ի դրությամբ livejournal.com կայքի հասանելիությունը հաստատել է նաև DownForEveryOneOrJustMe ծառայությունը:

LJ - ը նախկինում արդեն ենթարկվել էր հզորագույն DDoS-հարձակման. 2011 թվականի մարտի 30 - ին կայքն օգտվողների համար հասանելի չէր մի քանի ժամվա ընթացքում: Այդ ժամանակ ևս SUP ընկերության մամլո ծառայությունը հրաժարվեց նշել հաքերների հարձակման գլխավոր թիրախները և հնարավոր կատարողներին:

Ապրիլի 4 - ին LiveJournal - ի ադմինիստրացիան հայտարարեց, որ ծառայության աշխատանքը բազմիցս խափանած DDoS-հարձակման հարցով կարող է դիմել իրավապահ մարմիններին:

Վերջին անգամ փոփոխվել է 05.04.2011 14:11

Կարդացել են 11777 անգամ | Դուր եկավ ? Ավելացրեք Twitter-ում

Տեգեր

Սոցիալական փոխանակում