Այսպիսով, Էնդի Ռուբինը գլխավորելու է բջջային բաժինը, Վիկ Գունդոտրան ղեկավարելու է Google - ի սոցալական նախագծերը և ծառայությունները, իսկ Սունդար Պիչայը` Chrome բրաուզերի հետ կապված նախաձեռնությունները:
Ինչպես նաև ընկերության ավագ փոխնախագահներ են նշանակվել Սալար Կամանգարը (YouTube և տեսանյութերի այլ ծառայություններ), Ալան Յուստասը (որոնողական համակարգ) և Սյուզան Վոյիցիցկին (գովազդ): Իրենց նոր պաշտոններում ուղությունների ղեկավարները կկարողանան ինքնուրույն որոշումներ ընդունել` առանց ընկերության խորհրդի ղեկավարի հետ խորհրդակցելու անհրաժեշտության:
Ակնկալվում է, որ դա Google - ին հնարավորություն կտա արագորեն զարգացնել համապատասխան ուղղությունները: Ընդ որում վեց ավագ փոխնախագհներն անմիջականորեն Լարրի Փեյջին են ենթարկվելու:
Փեյջը, ով Սերգեյ Բրինի հետ միասին Google - ի հինադիրներից մեկն է, ինտերնետ - ընկերության գլխավոր տնօրենի պաշտոնը ստանձնել է ապրիլի 4 - ին: Այս պաշտոնում նա փոխարինել է Էրիկ Շմիդտին, ով մնացել է որպես Google - ի տնօրենների խորհրդի նախագահ:
